blogwyddbwyll

Os wyt ti am wella dy wyddbwyll mae'n werth astudio gêmau chwaraewyr eraill, yn enwedig os ydyn nhw'n cynnig sylwadau ar y gêm. Byddwn yn cyhoeddi gêmau gyda sylwadau yn rheolaidd ar blogwyddbwyll, gan ddechrau gyda gêm Ruy Lopez ap Sion v Adam May yn Nhwrnament Caerfyrddin gwyddbwyll.com 2006.
(darllen gweddill y cofnod...)

Tra bod y rhan fwyaf o Gymry'n troi eu golygon at Sesiwn Fawr Dolgellau daeth criw o aelodau gwefan gwyddbwyll.com ynghyd yng Nghaerfyrddin Ddydd Sadwrn i gystadlu am DARIAN GWYDDBWYLL.COM T.LLEW JONES. Yn fuddugol heb golli'r un o'i bedair gêm roedd Adam May, un o chwaraewyr gwyddbwyll dros y bwrdd cryfaf De Cymru, ac aelod o'r wefan ers y dyddiau cynnar. Mae Adam yn dysgu Cymraeg ar hyn o bryd ac yn defnyddio gwyddbwyll.com i'w helpu i wneud hynny. Bydd yn cadw'r darian am flwyddyn a gobeithio y bydd yn dod i'w hamddiffyn y flwyddyn nesaf! Yn goruchwilio'r cyfan roedd y chwaraewr gwyddbwyll rhyngwladol Iolo Jones sydd wedi cynrychioli Cymru dros 150 o weithiau.

Adam May

(darllen gweddill y cofnod...)

"...gall pum chwaraewr pêl-droed ei chael yn anodd i sgorio yn erbyn pedwar, ond mae'n llawer haws sgorio pan fydd dau yn chwarae yn erbyn un."

Mae'r Uwchfeistri gwyddbwyll yn pwysleisio'n gyson ei bod yn werth cyfnewid darnau gwyddbwyll os wyt ti wedi llwyddo i ennill darn mewn gêm. Dyma enghraifft: rwyt ti wedi llwyddo i gipio esgob dy wrthwynebydd ond heb golli darn dy hun. Eu dadl yw y dylet ymdrechu nawr i gyfnewid darnau gyda dy wrthwynebydd. Ydi hyn yn gywir, a pham ei fod yn iawn i wneud hyn? Ydi yw'r ateb, a dyma esbonio pam...

Os wyt ti eisiau arbrofi gydag agoriad gwahanol i'r agoriadau canol symetrig 1. e4 e5 2. Mf3 Mc6, mae modd i ti ddefnyddio'r Agoriad Seisnig sy'n cychwyn gyda 1. c4. Datblygwyd yr agoriad gan bobl fel Howard Staunton, ac yn yr agoriad hwn mae Gwyn yn osgoi neu'n oedi datblygu canol y bwrdd gyda'i werinwyr. Ar ôl chwarae 1. c4 gall y gêm ddatblygu mewn nifer o ffyrdd gwahanol. Edrych ar yr enghraifft hon (gyda nodiant Cymraeg) o gêm rhwng dau o Uwchfeistri pennaf yr Ugeinfed Ganrif, Petrosian a Botvinnik.

Wedi darganfod tegan newydd i arddangos gêmau gwyddbwyll ar y safle hon. Mae'n eithaf arbennig am fod modd cyfieithu'r nodiant i'r Gymraeg, a diolch i Dafydd a Maes-e rwy wedi llwyddo i dwrio i grombil y rhaglennig i gyfieithu'r wybodaeth hawlfraint. Wedi llwytho Gambit Evans iddo y tro hwn, ond bydd modd ei ddefnyddio yn y dyfodol i ddysgu agoriadau eraill i chwaraewyr newydd. Mae'n broses eithaf hir i lwytho'r gêmau, ond os oes gan rywun agoriad neu gyngor, anfon nhw ataf ac fe roia i nhw lan fan hyn cyn gynted ag y galla i. Rho glec fan hyn i weld hwn ar waith. Bydd yn cymryd rhai eiliadau i lwytho. Rhaid bod dy borwr yn gallu defnyddio Java.

Owen Llywelyn

Mae'r gwyddelod a'r Saeson wedi ymladd eu rhyfeloedd cartref, ond rydym ni'r Cymry yn llawer rhy gwar i dywallt gwaed. Eto mae angen cadw hwntw's yn eu lle ac felly fydd rhaid fynd ati i drefnu gornest fawr - Y De vs Y Gogledd, dros 5 bwrdd gwyddbwyll. (darllen gweddill y cofnod...)

Yn 1826 cerddodd y Capten William Davies Evans o Blwyf Sant Degwel ger Hwlffordd i fewn i Ystafelloedd Gwyddbwyll William Lewis yn St. Martin's Lane, Llundain a chynnig chwarae rhai o chwaraewyr gwyddbwyll cryfa'r dydd. Doedd Evans ddim yn adnabyddus fel chwaraewr gwyddbwyll, ond wedi iddo esbonio pam ei fod am eu chwarae llwyddodd i berswadio A McDonnell i chwarae gêm yn ei erbyn. Roedd McDonnell yn un o'r chwaraewyr gorau gynhyrchodd Iwerddon erioed, ac un o'r cryfaf ym Mhrydain ar y pryd. Gorffennodd y gêm ar yr 20fed symudiad â Chapten Evans yn fuddugol. Dyma ddechrau Gambit Evans sydd wedi cael ei ddefnyddio gan chwaraewyr fel Paul Morphy, Jan Timman, ac yn y 1990'au gan Garry Kasparov, yn fwyaf arbennig mewn buddugoliaeth 25 symudiad yn erbyn Viswanathan Anand ym Mhencampwriaeth Goffa Tal yn Riga, 1995.

(darllen gweddill y cofnod...)

Os wyt ti'n mewngofnodi i gwyddbwyll.com ar adeg twp fel 3 y bore mae'n bosib na fydd gwrthwynebydd i ti ei herio - felly beth am brofi dy hun yn erbyn y gwrthwynebydd cyfrifiadurol yma. Mae'n diddorol gweld meddyliau'r cyfrifiadur - ond mae'n debyg y bydd rhaid i ti rhoi bwrdd iawn i fyny gyferbyn â'r cyfrifiadur - mae'r darnau ychydig bach yn haniaethol . Dyn yn erbyn Cyfrifiadur - fel Kasparov vs Deep Blue ym 1997!

(darllen gweddill y cofnod...)