Croeso i'r lle ar y we i gael gwybodaeth am bopeth ynglyn â gwyddbwyll a gwefan gwyddbwyll.com. Os wyt ti eisiau blogio ar y safle hwn anfon neges breifat drwy gwyddbwyll.com i Owen Llywelyn ac fe gei di enw defnyddiwr a chyfrinair. Mae'n rhaid i ti fod yn aelod o gwyddbwyll.com sy'n chwarae'n rheolaidd ar y safle cyn bod modd i ti gyfrannu fan hyn. Pob lwc - chwarae dy chwarae. Os wyt ti'n bwriadu blogio ar y safle mae'n rhaid i ti ddarllen gweddill y cofnod hwn.

Rhai pethau elfennol i gofio pan yn blogio ar y safle:

Does dim rhaid i ti symud ymhellach na'r dudalen ysgrifennu i gyfrannu.

Cadw'r cofnod ar y dudalen flaen yn fyr - rhyw 3 llinell ar y mwyaf. Ar ôl teipio 3 llinell teipia'r cˆd canlynol, wedyn caria mlaen i deipio dy gyfraniad:

Ar ˆl teipio dy gyfraniad mae angen ei roi mewn categori. Dad-dicia'r blwch Gweinyddol a thicia un o'r blychau eraill cyn rhoi clec i Cadw ar waelod y dudalen.

Llofnoda dy gyfraniad gyda dy enw mewngofnodi fel hyn!!! Diolch.
Owen Llywelyn

Mae modd gweld ac astudio'r gêmau ar wefan Gemaugwyddbwyll.com.

Cyn dechrau cofnodi gêm mae angen dysgu'r nodiant yn gywir. Mae chwaraewyr yn defnyddio nodiant algebraidd yn y gêm fodern i ddynodi sgwâr, ee. symud gwerinwr i sgwâr e4 = e4, symud Marchog i sgwâr e4 = Me4

Cyn dechrau cofnodi dy gêmau llwytha Cerdyn Sgorio Cymraeg a'i argraffu. Mae modd adnabod bob un o'r sgwariau ar y bwrdd drwy nodiant algebraidd. Mae Marchogion gwyn, er enghraifft yn cychwyn ar sgwariau b1 a g1. Defnyddir llythyren fach bob amser wrth ddynodi sgwar, a llythyren fawr wrth ddynodi darn. O symud y Marchog i f3 felly byddet yn cofnodi hyn gyda Mf3. Dyma'r llythrennau sy'n cael eu defnyddio yn y Gymraeg i ddynodi'r darnau:

T	B	C	E	M
Teyrn	Brenhines	Castell	Esgob	Marchog	Gwerinwr

Rhai pethau eraill sydd angen eu dysgu:

• Defnyddir y symbol + i ddangos Siach ee symud y Marchog i f6 i roi'r Brenin mewn Siach Mf6 +
• Defnyddir x i ddangos darn yn cael ei gymryd ee Gwerinwr ffeil e yn cymryd Gwerinwr d5 exd5 neu Marchog yn cymryd Esgob ar d6 Mxd6 (neu MxE)
• I ddynodi Siachmat defnyddir ++ neu # ee Brenhines yn symud i e7 i gael Siachmat Be7 ++
• I ddynodi castellu defnyddir 0-0 am gastellu ochr y Brenin, a 0-0-0 am gastellu ochr y Frenhines.
• I ddyrchafu Gwerinwr nodir y sgwar yn gyntaf ac yna'r darn mae'n cael ei ddyrchafu iddo ee e8B (neu e8=B)
• Os oes dau ddarn yn medru symud i'r un sgwar nodir y sgwar mae'n symud ohono ee os oes dau gastell yn gallu symud i e1 nodir symud y castell o reng b i e1 fel Cbe1
• Fel arfer y pwyntiau sy'n cael eu rhoi mewn gwyddbwyll yw 1 am ennill, ½ am gêm gyfartal a 0 am golli. Os yw Gwyn yn ennill mae hyn yn cael ei ddynodi fel 1-0, os yw du yn ennill fel 0-1.

Dyma enghraifft o gêm wyddbwyll yn cael ei chofnodi gyda nodiant Cymraeg.

[Digwyddiad "F/S"]
[Lleoliad"Belgrade, Serbia "]
[Dyddiad"1992.11.04"]
[Rownd "29"]
[Gwyn"Fischer, Robert J."]
[Du "Spassky, Boris V."]
[Canlyniad "1/2-1/2"]

1.e4 e5
2.Mf3 Mc6
3.Eb5 a6
4.Ea4 Mf6
5.O-O Ee7
6.Ce1 b5
7.Eb3 d6
8.c3 O-O
9.h3 Mb8
10.d4 Mbd7
11.c4 c6
12.cxb5 axb5
13.Mc3 Eb7
14.Eg5 b4
15.Mb1 h6
16.Eh4 c5
17.dxe5 Mxe4
18.Exe7 Bxe7
19.exd6 Bf6
20.Mbd2 Mxd6
21.Mc4 Mxc4
22.Exc4 Mb6
23.Me5 Cae8
24.Exf7+ Cxf7
25.Mxf7 Cxe1+
26.Bxe1 Txf7
27.Be3 Bg5
28.Bxg5 hxg5
29.b3 Te6
30.a3 Td6
31.axb4 cxb4
32.Ca5 Md5
33.f3 Ec8
34.Tf2 Ef5
35.Ca7 g6
36.Ca6+ Tc5
37.Te1 Mf4
38.g3 Mxh3
39.Td2 Tb5
40.Cd6 Tc5
41.Ca6 Mf2
42.g4 Ed3
43.Ce6
1/2-1/2

Er mai Ruy Lopez ap Sion oedd y ffefryn ar sail graddfa chwarae ar draws y bwrdd, cafwyd cyfres o gêmau agos yn y rowndiau cynnar, a nifer annisgwyl o gêmau cyfartal. Yn un o'r rhain llwyddodd Tomos i ennill 1/2 pwynt drwy roi Kojak mewn Siach Parhaol er ei fod ddau ddarn ar ei hôl hi, ac aeth Tir y Cwmwd ar y blaen yn erbyn Ruy Lopez cyn gorfod rhuthro i symud a cholli'r gêm.

Ond yr hen ben Ruy Lopez oedd y ffefryn ar ddechrau'r rownd olaf, ac roedd angen pwynt arno yn erbyn Llewpart i sicrhau mai ef fyddai'r pencampwr. Yn y gêm gyffrous hon llwyddodd Llewpart i gael methmat mewn diweddglo Brenin a Brenhines v Brenin, a thrwy hynny gorfodwyd y tri ar y brig i chwarae gêmau gwib i ddewis enillydd.

Yn y rhain collodd Tomos i Ruy Lopez ap Sion a Kojak, ac yng ngêm ola'r dydd llwyddodd Kojak i wrthsefyll ymosodiad lletraws grymus ar ei Frenin gan Frenhines ac Esgob Ruy Lopez ap Sion, a chreu ymosodiad ei hun gyda Chastell ar ffeil agored. Yn y diwedd Kojak aeth â hi, a daeth yn bencampwr 2008 ac yn ddeilydd Tarian T Llew Jones Gwyddbwyll.com.

Dyma'r canlyniadau a'r tabl yn llawn (lluniau i ddod):

Owen Llywelyn

Ganwyd Robert James Fischer yn Chicago ar Fawrth 9fed, 1943. Symudodd y teulu i Brooklyn, Efrog Newydd pan oedd yn 6 mlwydd oed, ac yn ystod yr un flwyddyn prynodd ei chwaer set wyddbwyll yn y siop leol, a gyda'i gilydd fe wnaethant ddysgu'r rheolau o'r cyfarwyddiadau yn y bocs. Yn ei eiriau ef ei hun "I got good" pan oedd yn 11, ac roedd yn bencampwr America yn 14 mlwydd oed, cyn dod yr Uwchfeistr (Grandmaster) ifancaf erioed yn 15 mlwydd oed.

Nid oes neb yn hanes y gêm wedi astudio gwyddbwyll mor drylwyr â Bobby Fischer. Dywedai ei fod yn rhoi 98% o'i amser i wyddbwyll tra fod popeth arall yn rhannu y 2% oedd yn weddill. Ar ôl cael ei chwalu gan Boris Spassky mewn gêm Gambit y Brenin fe aeth adref i astudio'r agoriad o bob ongl. Ysgifennodd erthygl A Bust to the King's Gambit ar sut i amddiffyn yn erbyn yr agoriad yma, ac yn dilyn hyn peidiodd pob Uwchfeistr chwarae'r agoriad.

Un ffaith sy'n dangos yn fwy na dim sut berson oedd Fischer yw'r un ei fod wedi dysgu Rwsieg er mwyn darllen llyfrau meistri Rwsia ar ôl darllen popeth oedd ar gael yn Saesneg ar wyddbwyll.

Agoriadau syml a ddefnyddiau bob tro gan ddechrau bron bob amser gyda e4, ond yng nghanol y gêm byddai'n gallu dinistrio ei wrthwynebwyr gyda symudiadau athrylithgar. Ac os byddai'r gêm yn parhau tan y diwedd nid oedd neb yn deall y diweddglo (endgame) yn well na Bobby Fischer.

Daeth awr fawr Bobby Fischer yn 1972 pan chwaraeodd yn erbyn Boris Spassky o Rwsia am bencampwriaeth y byd yn Reykjavick, Gwlad yr Ia. Ar un ochr roedd Spassky, a oedd fel chwaraewyr Rwsia wedi cael ei hyfforddi gan y meistri ers yn ifanc, ac a oedd â thîm o chwaraewyr gorau Rwsia i'w gynorthwyo, ac ar y llall roedd Bobby Fischer ar ei ben ei hun. Fe wnaeth Fischer chwalu ei wrthwynebydd ac roedd y bachgen o Brooklyn gyda'r set o'r siop leol wedi trechu holl bwer y Sofietiaid.

Ond o fewn blwyddyn roedd wedi troi ei gefn ar y cyfan ac yn byw fel meudwy. Dywedir fod y ffin rhwng athrylith a gwallgofrwydd yn denau iawn a gwelwyd hyn ym mywyd Fischer. Credai fod pawb yn cynllwynio yn ei erbyn ac roedd er enghraifft yn gwadu fod yr holocaust wedi digwydd. Ar ôl byw yn alltud yn Siapan ac yng Nghwlad yr Ia fe fu farw yn Reykjavick, lleoliad ei awr fawr yn 1972.

Ond mae'n siwr y bydd hanes yn cofio y dyddiau da ac yn cofio Bobby Fischer, y chwaraewr gwyddbwyll rhyfeddol. Ai Bobby Fischer oedd y chwaraewr gwyddbwyll gorau erioed? Cred llawer mai ef oedd y gorau ac mae'n siwr y cofir amdano tra fod gwyddbwyll yn cael ei chwarae.

KOJAK: Ionawr 18, 2008.

"All I want to do, ever, is just play chess." -- Bobby Fischer

Llewpart, Iolo Jones, Tomos, Owen Llywelyn

Enillydd y wobr Graddfa oedd Graham, enillodd Gerallt y wobr Chwaraewr Addawol, gydag Adam May yn cipio gwobr y gêmau cyflym drwy guro Tomos yn y rownd derfynnol.

Graham yn ennill y Tlws safle

Gerallt yn ennill y Tlws Chwaraewr Addawol

Dafydd Wigley, Iolo Jones a Tir y Cwmwd

Roedd Dafydd Wigley ymhlith y cystadleuwyr. Mae Dafydd yn aelod selog o wefan gwyddbwyll.com ac wedi chwarae gwyddbwyll dros dîm Ty'r Cyffredin. Trefnwyd y digwyddiad gan Kojak, a threfnwyd yr arwerthiant llyfrau gwyddbwyll gan Daioffsci.

Trefnydd y Twrnament - Kojak

Daioffsci yn cynnig y Gambit i Kojak!

Dysgodd ei dad y symudiadau elfennol iddo, ac aeth ati i ddatblygu ei gêm drwy ddysgu ei hunan. Erbyn hyn mae'n herio a churo rhai o feistri'r safle, ac mae ei enw i'w weld yn gyson yn y tabl deg uchaf. Mae'n chwaraewr disglair, sy'n chwarae gêm agored a chyffrous, llawn dychymyg a gwreiddioldeb.

Ei ddiddordebau yw pêl-droed, golff a sgïo. Mae hefyd yn hoffi rhedeg ac yn aelod o glwb athletau Aberystwyth. Mae'n byw yng Nghapel Dewi ger Aberystwyth.

Llongyfarchiadau mawr iddo ar ddatblygu'n chwaraewr mor bwerus mewn cyfnod mor fyr. Bydd enw Tomos yn siwr o gael ei weld ymhlith enwau chwaraewyr disglair Cymru yn y dyfodol.

Chwaraewyr eraill i gipio'r tlws yw Sbecspeledrx, Ruy Lopez ap Sion, Y Meistr, Esgobmawr a Seamus.

Owen Llywelyn

Mae hyn er gwaethu'r ffaith i Topalov daeru nad oedd Kramnik yn haeddu ei chwarae beth amser yn ôl. Mae mwy o fanylion i ddod ar blogwyddbwyll. Yn y cyfamser gellir cael mwy o wybodaeth ar wefan worldchess2006 neu gwefan chessgames.

Gêmau Pencampwriaeth 2006 gyda nodiant Cymraeg: Rownd 1

KOJAK

Mae hon yn ornest 5 rownd, gan gynnwys 3 rownd ar Ddydd Sadwrn a 2 rownd ar Ddydd Sul. Y tâl am chwarae fydd £8 i oedolion a £5 i chwaraewyr dan 18. Bydd yr enillydd yn dal Cwpan Pencampwriaeth Dyfed am flwyddyn. Rhaid i daliadau am chwarae gyrraedd yr Ysgrifennydd erbyn Dydd Iau, 19eg o Hydref. Dylid eu hanfon i:

Iolo Jones, Dolnant, Pontgarreg, Llandysul, Ceredigion SA44 6AR.

Bydd lluniaeth ar gael yn y gwesty.

Gwobrau: 1af £70, 2il £45, 3ydd £20, Gwobr Ieuenctid £10, Gwobr Gradd (dan 1600) £10

Owen Llywelyn